تبين بشرة تلق واساس مكياج مثل الفنانات خليك معي و بالصورررر

من طرف **sumaya** الجمعة مارس 02, 2012 7:01 pm

من كثر ماشفت أسأله كثييير
عن انواع البشرة وش يناسبها من مكياج والحيرة الشديده في اختيار الأساس والبودرة المناسبه وووووو
قلت لازم انزل مواضيع تهمكم وتجاوب على كل تساؤلاتكم

وهذا الموضوع خصصته للبشرة وأنواعها
وكيف نبدأ مكياج صحيح وأساس المكياج هو أهم شي فيه

راح اتكلم بإذن الله عن انواع البشرة
وش يناسب كل نوع بشرة من المكياج والأساسات
انواع الاساس وأشكاله
وكل مشتقاته

إنتظروني

من طرف **sumaya** الجمعة مارس 02, 2012 7:05 pm

اول حاجه نتكلم عن أنواع البشرة ومشكله كل نوع
كيف نعالجها
كيف نهتم بيها
كيف نختار مايناسبها من المكياج
كيف نزيل عنها المكياج وننظفها بطريقه صحيحه
وغييره

بسم الله
أولا
كلنا نعرف إن البشرة أنواع
البشرة الدهنيه
أعراضها / كيف تعرفي إن بشرتك دهنيه
تغسلي وجهك اول ماتصحي الصباح بصابون وماء بارد وبعدها ب3 ساعات جيبي منديل وإضغطيه على وجهك كله الخد والذقن والانف والجبهه إذا كان كل هذه المناطق بها ماده دهنيه يعني مدهنه يعني بشرتك دهنيه
وغالبا هذه البشرة أصحابها يعانوا دايم من البثور (الرؤوس السوداء) ومشاكل حب الشباب وتفتح المسام
ايش السبب لذا كله إن مسام البشرة واسع بحيث تترسب على البشرة الاوساخ والبكتيريا وبقاياالمكياج وغيره تترسب على البشرة على هيئه بثور والبثور تتحول لحبات والحبات إلى ندوب
والغدد الدهنيه تفرز دهن بشكل اكبر من البشرات الثانيه بهذا النوع
لذلك كيف نهتم بهذا النوع من البشرة
أولا
اول ماتصحي من النوم تغسليها بغسول للوجه الذهني او صابونه للوجه الدهني وماء فاتر
تجففي وجهك بمنشفه نظيفه ثم بعدها بشوي تمسحي وجهك بتونك قابض للبشرة الدهنيه تاخذيه من الصيدليه
لازم يكون دايم عندك
خرجتي الصباح او بالبيت بعدها كمان بكم ساعه تغسلي وجهك ثاني وتمسحي بالقابض
معلومه ترى البشرة لزم تغسل في اليوم على الاقل 3 مرات للحد من ترسب الدهون وتنظيف المسام من الاوساخ ومنع ظهور الحبوب والبثور

ثانيا
لازم تعملي بخار لوجهك كل إسبوع بالبيت
كيف
تشتري جهاز البخار من الصيدليه مرة رخيص
تشتري سكراب مقشر اللي يجي بالخوخ والمشمش او اي نوع
اولا تغسلي وجهك بصابونتك ثم تمسحيه ثم تدهني وجهك بالمقشر ثم تتعرضي للبخار نص ساعه او أقل ثم تغسلي وجهك من المقشر فقط بالماء الفاتر
ثم اخيرا تنشفي وجهك بمشفه نظيفه وتدهنيه بالتونك القابض وشوفي الإنتعاش والنظافه
هذا الموضوع لازم لازم يسير كل 5 ايام
ثالثا
لازم يكون عندك غسول مقشر من نيتروجينا تغسلي بيه وجهك قبل النوم كل يوم ولما ترجعي من خروج
هذا الغسول غير الصابونه حقت الصباح طبعا تمام كدا
رابعا

دوري بالنت على خلطات تناسب بشرتك الدهنيه لو مرتين بالإسبوع تحطيها بتفيدك كثير
خامسا
إذا عندك اثار حبوب مضايقاك
جيبي كريم رتن إي المقشر كل يوم بعد تنظيف وجهك حطي نقطه على كل أثر حبه بس على الندوب مو على كل وجهك راح تقشر بعد فترة غتركي الرتن إي وجيبي كريم الدوكين المبيض وبعد حطي نقطه على الاثر بس ويرجع لونها طبيعي عن تجربه وإذا بعد فيه أثر إرجعي كرري العمليه مرة ثانيه

وبعدين قبل المكياج لازم تغسلي وجهك بصابونك وتجففيه وتستخدمي كريم من فور إيفر للبشرة الدهنيه يوزع الدهون بوجك ويخليه متوازن ويمتص الدهن الزايد تدهني منه على بشرتك وتتركيه يجف
و بعدها تستقبل بشرتك المكياج بكل سرور

ثاني نوع من البشرة
البشرة الجافه
وهذا النوع عكس الدهنيه تماما
كيف تعرفي إنك من ذوات البشرة الجافه
تغسلي وجهك الصباح بماء بارد وصابونك وبعد 3 ساعات تتحسسي بشرتك الخد والدقن والجبهه والانف اذا كلهم خاليين من الدهن وجافين واوقات الشتاء تلاقيها محمرة وجافه وإذا حطيتي عليها كريم تحرقك هذه يعني جافه ومتعطشه للترطيب
كيف نهتم بهالنوع من البشرة
مشاكل هالبشرة انها دايم ناشفه متقشرة خاصه الجبهها حولين الفم والانف واوقات يكون فيها أكزيما وهذه تتحول الى سواد بعدين
لذلك
اولا تصحي الصباح تغسلي وجهك بماء بارد وليس حار أو فاتر لأن الماء الفاتر ينشف البشرة
وصابونك او غسولك لازم يكون للبشرة الجافه او العاديه لانه يحتوي على زيوت تساعد في ترطيب البشرة
بعدين تجففيها بمنشفه نظيفه
ثم تدهنيها بكريم مرطب ياليت يمون فيه فيتامينات ويحتوي على ميلك المرطب في منه نوعين كريم مرطب النهار وفي منه لليل لازم الإثنين تكون موجوده عندك تشتريها من أي ماركه ممتازة
ممكن نعمل بخار لهالبشرة في الشهر مرة او كل 3 أسابيع
ثانيا
لازم تعملي تدليك بماء الخيار مررة حلو ينظف وينعش ويرطب
ماسك الروب والعسل مرة حلو لهالبشرة كمان
ثالثا
وابحثي عن الماسكات اللي تنفعك لنوع بشرتك وسويها لو مرتين بالإسبوع
بعدين
عند النوم تغسلي وجهك كمان بنفس صابونتك للبشرة الجافه ثم تجفييها ثم تدهنيها بكريم مرطب لليل وتنامي وكل يوم كدا وبتشوفي الفرق والنظافه

وعند المكياج تغسليها بالصابون وتحطي كريم ترطيب قبل المكياج تاخذيه من الماركات التاليه
فور إيفر
أو
ديور
او
لانكوم بيفيدك مررة ويخلي وجهك حرير بعد المكياج
وبعدها تستقبل بشرتك المكياج بكل سروووور

يتبع

من طرف **sumaya** الجمعة مارس 02, 2012 7:14 pm

جينا للبشرة المختلطه
كيف نعرف ان بشرتنا مختلطه
تسوي اختبار اللي ذكرتوا قبل إنك بعد تصحي من النوم تغسلي وجهك بالماء والغسول او الصابون ثم تجففيه ثم تنتظري 3ساعات تتحسسي بشرتك إذا منطقه الخد ناشفه ومنطقه الانف والجبهه والدقن مدهنة يعني إنت صاحبة بشرة مختلطه
وقتها شلون تعتني بيها
كالتالي
اول ماتصحي من النوم تغسلي وجهك بماء عادي لابارد ولافاتر وصابونك او غسول للبشرة العاديه أو المختلطه أوكيييه ضروري تشتريه
ثم تجففي بشرتك
إشتري كريم للبشرة المختلطه
ولازم تستخدميه كل يوم
وهذه البشرة تحتاج كل إسبوع بخار زي ماذكرت بالبشرة الدهنيه تتبعي نفس الطريقه
لازم تاخذي تونك منظف وقابض تدهني بيه وجهك منطقه الدقن والأنف والجبهه بس الخد لا
وتجيبي كمان غسول نيتروجينا أو أي نوع مقشر تغسلي بيه وجهك قبل النوم مرة وحده باليوم
ولازم تبحثي عن الخلطات اللي تفيد نوع بشرتك
قبل ماتحطي مكياج لازم تغسلي وجهك بغسولك الخاص والماء ثم تجففيه ثم تحطي كريم من فور ايفر للبشرة المختلطه يوزع الدهون بالتساوي على وجهك واتركيه يجف
وقتها بشرتك راح تستقبل المكياج بكل سروووووور

ملاحظة هامه جدا
هذه ملاحظه لكل البنات لكل انواع البشرة بعطيكم طريقه ممتازة تغسلوا بيها وجهكم في الصباح ومع الإستحمام وعند النوم
تخلي وجهك حرير وتنعمه وتنظفه مضبووووط
اولا لازم يكون عندك الليفه اللي على شكل كف من بودي شوب وتكون خاصه بوجهك
تبلليها بماء حار عشان تتعقم ثم تحطي عليها من الصابون أو الغسول الخاص ببشرتك ثم تدعكي بيها وجهك بحركات دائريه من تحت لفوق بشويييييييش عشان لاتجرحي وجهك وخاصه عند الأنف والجبهه والدقن ادعكي حركات دائريه خفيفه مساج حلو ثم غسليه وجهك بالماء وجففيه
شوفي النظافه والنعومه
وبعدها تسوي كل وحده زي ماكتبت لها بنوع بشرتها أوكييييه

من طرف Moon every day الجمعة أبريل 20, 2012 5:42 pm

شكرا سمية على المعلومات الرائعة

من طرف **sumaya** الإثنين أبريل 23, 2012 6:16 pm

العفو حبيبتي انتي الاروع ,,

شكرا على مرورك

تبين بشرة تلق واساس مكياج مثل الفنانات خليك معي و بالصورررر

تبين بشرة تلق واساس مكياج مثل الفنانات خليك معي و بالصورررر

رد: تبين بشرة تلق واساس مكياج مثل الفنانات خليك معي و بالصورررر

رد: تبين بشرة تلق واساس مكياج مثل الفنانات خليك معي و بالصورررر

رد: تبين بشرة تلق واساس مكياج مثل الفنانات خليك معي و بالصورررر

رد: تبين بشرة تلق واساس مكياج مثل الفنانات خليك معي و بالصورررر